main gunahgar agar hun to saza di jae

maiñ gunahgār agar huuñ to sazā dī jaa.e

varna logo mujhe phir dād-e-vafā dī jaa.e

tum mujhe chāhte ho chāhte ho to sāhib

kyoñ na ye baat zamāne ko batā dī jaa.e

ek chingārī badal de kahīñ jangal kā mizāj

is se pahle hī tah-e-ḳhāk dabā dī jaa.e

jo na rūThe use chhātī se lagānā behtar

rūThne vaale ko hañsne kī duā dī jaa.e

shaam dhuñdlā.ī huī aur bhayānak jangal

aise māhaul meñ ab kis ko sadā dī jaa.e

gar koī rasm burī hai to gavārā kyūñkar

har burī rasm zamāne se haTā dī jaa.e

main gunahgar agar hun to saza di jae

warna logo mujhe phir dad-e-wafa di jae

tum mujhe chahte ho chahte ho to sahib

kyon na ye baat zamane ko bata di jae

ek chingari badal de kahin jangal ka mizaj

is se pahle hi tah-e-KHak daba di jae

jo na ruThe use chhati se lagana behtar

ruThne wale ko hansne ki dua di jae

sham dhundlai hui aur bhayanak jangal

aise mahaul mein ab kis ko sada di jae

gar koi rasm buri hai to gawara kyunkar

har buri rasm zamane se haTa di jae