main habib hun kisi aur ka meri jaan-e-jaan koi aur hai

maiñ habīb huuñ kisī aur kā mirī jān-e-jāñ koī aur hai

sar-e-dāstāñ koī aur hai pas-e-dāstāñ koī aur hai

ye azāb-e-dar-ba-darī miyāñ hai azal se merā rafīq-e-jāñ

maiñ makīn huuñ kahīñ aur kā mirā ḳhāk-dāñ koī aur hai

ye to apnā apnā nasīb hai kise kitnī quvvat-e-par milī

tirā āsmāñ koī aur hai mirā āsmāñ koī aur hai

ye jo zindagī kī haiñ gutthiyāñ ye sulajh ke bhī na sulajh sakīñ

haiñ agarche vaj.h-e-sukūn ham yahāñ shādmāñ koī aur hai

mujhe shā.irī kā hunar milā mujhe ganj-e-la.al-o-guhar milā

mire harf meñ mire lafz meñ jo hai be-karāñ koī aur hai

main habib hun kisi aur ka meri jaan-e-jaan koi aur hai

sar-e-dastan koi aur hai pas-e-dastan koi aur hai

ye azab-e-dar-ba-dari miyan hai azal se mera rafiq-e-jaan

main makin hun kahin aur ka mera KHak-dan koi aur hai

ye to apna apna nasib hai kise kitni quwwat-e-par mili

tera aasman koi aur hai mera aasman koi aur hai

ye jo zindagi ki hain gutthiyan ye sulajh ke bhi na sulajh sakin

hain agarche wajh-e-sukun hum yahan shadman koi aur hai

mujhe shairi ka hunar mila mujhe ganj-e-lal-o-guhar mila

mere harf mein mere lafz mein jo hai be-karan koi aur hai