main hi main bikhra hua hun rah-ta-manzil tamam

maiñ hī maiñ bikhrā huā huuñ rāh-tā-manzil tamām

ḳhāk-dāñ tā-āsmāñ chhāyā hai mustaqbil tamām

pī chukī kitnī hī maujoñ kā lahū sāhil kī ret

lāsheñ hī lāsheñ nazar aa.iiñ sar-e-sāhil tamām

ghar ko din bhar kī matā-e-rah-navardī sauñp dī

sa.ī-e-paiham kā ġhubār-e-shahr thā hāsil tamām

dekhnā sab ne uThā rakkhī hai kāñdhoñ par salīb

bhes meñ maqtūl ke rū-posh haiñ qātil tamām

māhtāb ubhrā bhī to jaane kahāñ Duubā ki raat

kar diyā maujoñ ne chhalnī sīna-e-sāhil tamām

main hi main bikhra hua hun rah-ta-manzil tamam

KHak-dan ta-asman chhaya hai mustaqbil tamam

pi chuki kitni hi maujon ka lahu sahil ki ret

lashen hi lashen nazar aain sar-e-sahil tamam

ghar ko din bhar ki mata-e-rah-nawardi saunp di

sai-e-paiham ka ghubar-e-shahr tha hasil tamam

dekhna sab ne uTha rakkhi hai kandhon par salib

bhes mein maqtul ke ru-posh hain qatil tamam

mahtab ubhra bhi to jaane kahan Duba ki raat

kar diya maujon ne chhalni sina-e-sahil tamam