main hua zinat-e-makan-e-qafas

maiñ huā zīnat-e-makān-e-qafas

dūd-e-afġhāñ hai sā.ebān-e-qafas

lo asīro karo bayān-e-chaman

aur mujh se suno bayān-e-qafas

zo.af se maiñ nazar nahīñ aatā

jaane sayyād mujh ko jān-e-qafas

tū samajhtā nahīñ mirī sayyād

maiñ samajhtā nahīñ zabān-e-qafas

aa ga.ī lab tak āh-e-ātish-bār

ab ḳhudā hai nigāh-bān-e-qafas

nahīñ aatī ḳhabar rihā.ī kī

tāl-e-bad hai pāsbān-e-qafas

kis kī fariyād ne hilā.ī zamīñ

kis pe TuuTā hai āsmān-e-qafas

'sālik' aane se maut ke hogā

fā.eda apnā aur ziyān-e-qafas

main hua zinat-e-makan-e-qafas

dud-e-afghan hai saeban-e-qafas

lo asiro karo bayan-e-chaman

aur mujh se suno bayan-e-qafas

zoaf se main nazar nahin aata

jaane sayyaad mujh ko jaan-e-qafas

tu samajhta nahin meri sayyaad

main samajhta nahin zaban-e-qafas

aa gai lab tak aah-e-atish-bar

ab KHuda hai nigah-ban-e-qafas

nahin aati KHabar rihai ki

tal-e-bad hai pasban-e-qafas

kis ki fariyaad ne hilai zamin

kis pe TuTa hai aasman-e-qafas

'salik' aane se maut ke hoga

faeda apna aur ziyan-e-qafas