main hun aasi ki pur-KHata kuchh hun

Bahadur Shah Zafar

main hun aasi ki pur-KHata kuchh hun

Bahadur Shah Zafar

MORE BY Bahadur Shah Zafar

    maiñ huuñ aasī ki pur-ḳhatā kuchh huuñ

    terā banda huuñ ai ḳhudā kuchh huuñ

    juzv o kul ko nahīñ samajhtā maiñ

    dil meñ thoḌā jāntā kuchh huuñ

    tujh se ulfat nibāhtā huuñ maiñ

    bā-vafā huuñ ki bevafā kuchh huuñ

    jab se nā-āshnā huuñ maiñ sab se

    tab kahīñ us se āshnā kuchh huuñ

    nashsha-e-ishq le uḌā hai mujhe

    ab maze meñ uḌā rahā kuchh huuñ

    ḳhvāb merā hai ain bedārī

    maiñ to us meñ bhī dekhtā kuchh huuñ

    garche kuchh bhī nahīñ huuñ maiñ lekin

    us pe bhī kuchh na pūchho kyā kuchh huuñ

    samjhe vo apnā ḳhāksār mujhe

    ḳhāk-e-rah huuñ ki ḳhāk-e-pā kuchh huuñ

    chashm-e-altāf faḳhr-e-dīñ se huuñ

    ai 'zafar' kuchh se ho gayā kuchh huuñ

    main hun aasi ki pur-KHata kuchh hun

    tera banda hun ai KHuda kuchh hun

    juzw o kul ko nahin samajhta main

    dil mein thoDa sa jaanta kuchh hun

    tujh se ulfat nibahta hun main

    ba-wafa hun ki bewafa kuchh hun

    jab se na-ashna hun main sab se

    tab kahin us se aashna kuchh hun

    nashsha-e-ishq le uDa hai mujhe

    ab maze mein uDa raha kuchh hun

    KHwab mera hai ain bedari

    main to us mein bhi dekhta kuchh hun

    garche kuchh bhi nahin hun main lekin

    us pe bhi kuchh na puchho kya kuchh hun

    samjhe wo apna KHaksar mujhe

    KHak-e-rah hun ki KHak-e-pa kuchh hun

    chashm-e-altaf faKHr-e-din se hun

    ai 'zafar' kuchh se ho gaya kuchh hun

    RECITATIONS

    Nomaan Shauque

    Nomaan Shauque

    Nomaan Shauque

    main hun aasi ki pur-KHata kuchh hun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites