main hun aur mashghala-e-jama-dari hai yahu

maiñ huuñ aur mashġhala-e-jāma-darī hai yaahū

kaif-dar-kaif 'ajab be-ḳhabarī hai yā-hū

har taraf sahar-e-nafī ḳhauf-e-abad taarī hai

jaan levā ye balīġh-un-nazari hai yaahū

hast-dar-hast hijābāt ke sahrā Thahre

kyā ye tashrīh-e-maqām-e-bashrī hai yaahū

puurī quvvat se na kyuuñ dauḌūñ abad kī jānib

ziist ik ālam-e-afrātafrī hai yaahū

ik sañvartā huā lamha to kahīñ mil jaatā

dekh chehre pe mire dar-ba-darī hai yaahū

īn-o-āñ jab mere purkār kī gardish ke asiir

phir ye kyuuñ kis liye daryūza-garī hai yaahū

mere afkār haiñ iblāġh-gazīda to kyā

ek na.e taur kī ye dīda-varī hai yaahū

main hun aur mashghala-e-jama-dari hai yahu

kaif-dar-kaif 'ajab be-KHabari hai ya-hu

har taraf sahar-e-nafi KHauf-e-abad tari hai

jaan lewa ye baligh-un-nazari hai yahu

hast-dar-hast hijabaat ke sahra Thahre

kya ye tashrih-e-maqam-e-bashri hai yahu

puri quwwat se na kyun dauDun abad ki jaanib

zist ek aalam-e-afraatafri hai yahu

ek sanwarta hua lamha to kahin mil jata

dekh chehre pe mere dar-ba-dari hai yahu

in-o-an jab mere purkar ki gardish ke asir

phir ye kyun kis liye daryuza-gari hai yahu

mere afkar hain iblagh-gazida to kya

ek nae taur ki ye dida-wari hai yahu