main hun aur silsila-e-ashk-e-rawan aaj ki raat

Malikzaada Manzoor Ahmad

main hun aur silsila-e-ashk-e-rawan aaj ki raat

Malikzaada Manzoor Ahmad

MORE BYMalikzaada Manzoor Ahmad

    maiñ huuñ aur silsila-e-ashk-e-ravāñ aaj raat

    zindagī hai hama-tan soz ba-jāñ aaj raat

    dīda-e-shauq meñ hai raqs-kunāñ aaj raat

    ġham bujhtī huī sham.oñ dhuāñ aaj raat

    apnī palkoñ pe larazte hue tāroñ qasam

    sab ke hoñToñ pe hai fariyād-o-fuġhāñ aaj raat

    haiñ kahāñ aah vo hūrān-e-tasavvur jin se

    dil thā ġhairat-dah-e-gulzār-e-jināñ aaj raat

    sāmne koī nahīñ rūh-navāz-e-dil-o-jāñ

    zindagānī tamannā hai garāñ aaj raat

    chāñdnī raat ke chehre pe hai kyuuñ ġham ġhubār

    dhundlī dhundlī hai kyuuñ kāhkashāñ aaj raat

    vo nahīñ haiñ to muqaddar meñ haiñ mere 'manzūr'

    mātam-e-marg-e-tamannā-e-javāñ aaj raat

    main hun aur silsila-e-ashk-e-rawan aaj ki raat

    zindagi hai hama-tan soz ba-jaan aaj ki raat

    dida-e-shauq mein hai raqs-kunan aaj ki raat

    gham ki bujhti hui shamon ka dhuan aaj ki raat

    apni palkon pe larazte hue taron ki qasam

    sab ke honTon pe hai fariyaad-o-fughan aaj ki raat

    hain kahan aah wo huran-e-tasawwur jin se

    dil tha ghairat-dah-e-gulzar-e-jinan aaj ki raat

    samne koi nahin ruh-nawaz-e-dil-o-jaan

    zindagani ki tamanna hai garan aaj ki raat

    chandni raat ke chehre pe hai kyun gham ka ghubar

    dhundli dhundli si hai kyun kahkashan aaj ki raat

    wo nahin hain to muqaddar mein hain mere 'manzur'

    matam-e-marg-e-tamanna-e-jawan aaj ki raat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY