main hun wahshat mein gum main teri duniya mein nahin rahta

Zaheer Kashmiri

main hun wahshat mein gum main teri duniya mein nahin rahta

Zaheer Kashmiri

MORE BYZaheer Kashmiri

    maiñ huuñ vahshat meñ gum maiñ terī duniyā meñ nahīñ rahtā

    bagūlā raqs meñ rahtā hai sahrā meñ nahīñ rahtā

    baḌī muddat se terā husn dal bin kar dhaḌaktā hai

    baḌī muddat se dil terī tamannā meñ nahīñ rahtā

    ye paanī hai magar mizhgāñ shāḳhoñ par sulagtā hai

    ye motī hai magar dāmān-e-dariyā meñ nahīñ rahtā

    vo jalva jo sukūt-e-bazm-e-yaktā.ī meñ rahtā hai

    vo jalva shorish-e-pinhāñ-o-paidā meñ nahīñ rahtā

    na koī mauj-e-ra.anā.ī na koī sail-e-zebā.ī

    koī tūfāñ bhī ab chashm-e-tamāshā meñ nahīñ rahtā

    ajab kyā lā-makāñ ko ik nayā zindāñ samajh baiThe

    ye dīvāna had-e-imroz-o-fardā meñ nahīñ rahtā

    'zahīr' ik rishta-e-vahshat liye phirtā hai majnūñ ko

    vagarna koī apne aap sahrā meñ nahīñ rahtā

    main hun wahshat mein gum main teri duniya mein nahin rahta

    bagula raqs mein rahta hai sahra mein nahin rahta

    baDi muddat se tera husn dal bin kar dhaDakta hai

    baDi muddat se dil teri tamanna mein nahin rahta

    ye pani hai magar mizhgan ki shaKHon par sulagta hai

    ye moti hai magar daman-e-dariya mein nahin rahta

    wo jalwa jo sukut-e-bazm-e-yaktai mein rahta hai

    wo jalwa shorish-e-pinhan-o-paida mein nahin rahta

    na koi mauj-e-ranai na koi sail-e-zebai

    koi tufan bhi ab chashm-e-tamasha mein nahin rahta

    ajab kya la-makan ko ek naya zindan samajh baiThe

    ye diwana had-e-imroz-o-farda mein nahin rahta

    'zahir' ek rishta-e-wahshat liye phirta hai majnun ko

    wagarna koi apne aap sahra mein nahin rahta

    Source:

    • Book : Pakistani Adab (Pg. 593)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY