main janam janam ka anis hun kisi taur dil mein basa mujhe

maiñ janam janam kā aniis huuñ kisī taur dil meñ basā mujhe

koī rañj hai to gamīñ na ho koī daaġh hai to dikhā mujhe

ye tamām sabza-e-āb-jū ye tamām ḳhema-e-rañg-o-bū

tire jis ḳhayāl kā aks haiñ vo ḳhayāl kar de atā mujhe

jinheñ harf-e-jāñ kī ḳhabar nahīñ vo paḌhāne aa.e kitāb-e-jāñ

jinheñ koī ilm-e-vafā na thā vo sikhāne aa.e vafā mujhe

maiñ niyāz-mand-e-junūñ sahī mujhe aql se bhī hai vāsta

kisī ḳhvāb kī na jhalak dikhā tire paas kyā hai dikhā mujhe

tirī guftugū se gumāñ huā koī baat merī bhalī lagī

maiñ 'na.īm' huuñ ki 'hasan' huuñ ab yahī baat pahle batā mujhe

main janam janam ka anis hun kisi taur dil mein basa mujhe

koi ranj hai to gamin na ho koi dagh hai to dikha mujhe

ye tamam sabza-e-ab-ju ye tamam KHema-e-rang-o-bu

tere jis KHayal ka aks hain wo KHayal kar de ata mujhe

jinhen harf-e-jaan ki KHabar nahin wo paDhane aae kitab-e-jaan

jinhen koi ilm-e-wafa na tha wo sikhane aae wafa mujhe

main niyaz-mand-e-junun sahi mujhe aql se bhi hai wasta

kisi KHwab ki na jhalak dikha tere pas kya hai dikha mujhe

teri guftugu se guman hua koi baat meri bhali lagi

main 'naim' hun ki 'hasan' hun ab yahi baat pahle bata mujhe