main jang jit ke jabr-o-ana ki haar gaya

maiñ jañg jiit ke jabr-o-anā kī haar gayā

adū pe rahm kā ehsās mujh ko maar gayā

amīr-e-shahr ke afv-o-karam ko kyā kahiye

khule vo log ki ḳhauf-e-salīb-o-dār gayā

ġhurūr-e-kasrat-e-lashkar na mere kaam aayā

maiñ so rahā thā ki shab-ḳhūñ ġhanīm maar gayā

mirā nasīb ki bikhrī thī Daal Daal mirī

koī ḳhizāñ kā bagūlā mujhe sañvār gayā

sadī kī raat guzārī umiid ke bal par

bujhā charāġh-e-sahar karb-e-intizār gayā

kisī ne chaap bhī jaate hue na us kī sunī

jo shaḳhs barsoñ tire shahr meñ guzār gayā

shab-e-firāq ke dariyā meñ kuud kar 'rāsiḳh'

tamām qarz vafā ke koī utaar gayā

main jang jit ke jabr-o-ana ki haar gaya

adu pe rahm ka ehsas mujh ko mar gaya

amir-e-shahr ke afw-o-karam ko kya kahiye

khule wo log ki KHauf-e-salib-o-dar gaya

ghurur-e-kasrat-e-lashkar na mere kaam aaya

main so raha tha ki shab-KHun ghanim mar gaya

mera nasib ki bikhri thi Dal Dal meri

koi KHizan ka bagula mujhe sanwar gaya

sadi ki raat guzari umid ke bal par

bujha charagh-e-sahar karb-e-intizar gaya

kisi ne chap bhi jate hue na us ki suni

jo shaKHs barson tere shahr mein guzar gaya

shab-e-firaq ke dariya mein kud kar 'rasiKH'

tamam qarz wafa ke koi utar gaya