main jumbish-e-lab dekh ke samjha suKHan-e-mauj

maiñ jumbish-e-lab dekh ke samjhā suḳhan-e-mauj

pur-vasf tabassum se tire hai dahan-e-mauj

har dil meñ tire jalva-e-vāhid kā hai partav

ik sham.a-e-qamar raunaq-e-sad-anjuman-e-mauj

dīvāna tirā band-e-ta'alluq se hai āzād

kab bāñdh sake āb-e-ravāñ ko rasan-e-mauj

vo gul jo nahāne ko sahar hauz meñ utrā

thā ḳhanda-zanāñ mauj-e-chaman par chaman-e-mauj

mashshāta-garī apnī sabā laakh dikhā de

pahuñche ḳham-e-gesū ko tire kab shikan-e-mauj

poshāk-e-mukallaf kī na rakh hirs 'shahīdī'

be-chāk utū yaañ na huā pairahan-e-mauj

main jumbish-e-lab dekh ke samjha suKHan-e-mauj

pur-wasf tabassum se tere hai dahan-e-mauj

har dil mein tere jalwa-e-wahid ka hai partaw

ek shama-e-qamar raunaq-e-sad-anjuman-e-mauj

diwana tera band-e-ta'alluq se hai aazad

kab bandh sake aab-e-rawan ko rasan-e-mauj

wo gul jo nahane ko sahar hauz mein utra

tha KHanda-zanan mauj-e-chaman par chaman-e-mauj

mashshata-gari apni saba lakh dikha de

pahunche KHam-e-gesu ko tere kab shikan-e-mauj

poshak-e-mukallaf ki na rakh hirs 'shahidi'

be-chaak utu yan na hua pairahan-e-mauj