main kaise man lun ki ishq bas ek bar hota hai

Bhaskar Shukla

main kaise man lun ki ishq bas ek bar hota hai

Bhaskar Shukla

MORE BYBhaskar Shukla

    maiñ kaise maan luuñ ki ishq bas ik baar hotā hai

    tujhe jitnī dafa dekhūñ mujhe har baar hotā hai

    faqat kaTne ko yuuñ bhī kaT rahī hai zindagī lekin

    vahī hai zindagī jis pal tirā dīdār hotā hai

    tujhe paane hasrat aur Dar nā-kāmiyābī

    inhīñ do tiin bātoñ se ye dil do chaar hotā hai

    agar hai ishq sachchā to nigāhoñ se bayāñ hogā

    zabāñ se bolnā bhī kyā koī iz.hār hotā hai

    kināre baiTh kar ke koī bhī manzil nahīñ paatā

    jo Takrātā hai lahroñ se vo dariyā paar hotā hai

    main kaise man lun ki ishq bas ek bar hota hai

    tujhe jitni dafa dekhun mujhe har bar hota hai

    faqat kaTne ko yun bhi kaT rahi hai zindagi lekin

    wahi hai zindagi jis pal tera didar hota hai

    tujhe pane ki hasrat aur Dar na-kaamiyabi ka

    inhin do tin baaton se ye dil do chaar hota hai

    agar hai ishq sachcha to nigahon se bayan hoga

    zaban se bolna bhi kya koi izhaar hota hai

    kinare baiTh kar ke koi bhi manzil nahin pata

    jo Takraata hai lahron se wo dariya par hota hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now