main KHak hun aab hun hawa hun

maiñ ḳhaak huuñ aab huuñ havā huuñ

aur aag kī tarah jal rahā huuñ

tah-ḳhāna-e-zehn meñ na jaane

kyā shai hai jise TaToltā huuñ

bahrūp nahīñ bharā hai maiñ ne

jaisā bhī huuñ sāmne khaḌā huuñ

suntā to sabhī kī huuñ magar maiñ

kartā huuñ vahī jo chāhtā huuñ

achchhoñ ko to sab hī chāhte haiñ

hai koī ki maiñ bahut burā huuñ

paatā huuñ use bhī apnī jānib

muḌ kar jo kisī ko dekhtā huuñ

bachnā hai muhāl is maraz meñ

jiine ke maraz meñ mubtalā huuñ

suntā hī na ho koī to kyuuñ maiñ

chillā.ūñ fuġhāñ karūñ karāhūñ

auroñ se to ijtināb thā hī

ab apne vajūd se ḳhafā huuñ

baaqī haiñ jo chand roz vo bhī

taqdīr ke naam likh rahā huuñ

likhtā huuñ har ek baat sun kar

ye baat to maiñ bhī kah chukā huuñ

main KHak hun aab hun hawa hun

aur aag ki tarah jal raha hun

tah-KHana-e-zehn mein na jaane

kya shai hai jise TaTolta hun

bahrup nahin bhara hai main ne

jaisa bhi hun samne khaDa hun

sunta to sabhi ki hun magar main

karta hun wahi jo chahta hun

achchhon ko to sab hi chahte hain

hai koi ki main bahut bura hun

pata hun use bhi apni jaanib

muD kar jo kisi ko dekhta hun

bachna hai muhaal is maraz mein

jine ke maraz mein mubtala hun

sunta hi na ho koi to kyun main

chillaun fughan karun karahun

auron se to ijtinab tha hi

ab apne wajud se KHafa hun

baqi hain jo chand roz wo bhi

taqdir ke nam likh raha hun

likhta hun har ek baat sun kar

ye baat to main bhi kah chuka hun