main KHud apna lahu pine laga hun
maiñ ḳhud apnā lahū piine lagā huuñ
kahāñ paanī kisī se māñgtā huuñ
ye duniyā aag hai ik aag jis meñ
maiñ ḳhud ko jhoñk denā chāhtā huuñ
tirī ḳhāmoshiyoñ ke panchhiyoñ ko
maiñ āvāzoñ ke daane bāñTtā huuñ
akele-pan ke bīhaḌ jañgaloñ meñ
tumhārā naam le kar chīḳhtā huuñ
lahaktī aag ke tannūr meñ ab
tumhārī yaad zinda jhoñktā huuñ
maiñ apne-āp se nārāz huuñ ab
so apne aap ko kam Toktā huuñ
main KHud apna lahu pine laga hun
kahan pani kisi se mangta hun
ye duniya aag hai ek aag jis mein
main KHud ko jhonk dena chahta hun
teri KHamoshiyon ke panchhiyon ko
main aawazon ke dane banTta hun
akele-pan ke bihaD jangalon mein
tumhaara nam le kar chiKHta hun
lahakti aag ke tannur mein ab
tumhaari yaad zinda jhonkta hun
main apne-ap se naraaz hun ab
so apne aap ko kam Tokta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
