main KHush bahut hun mujhko faqiri jo ras hai

maiñ ḳhush bahut huuñ mujh ko faqīrī jo raas hai

varna amīr-e-shahr bahut bad-havās hai

kitnī azīm-tar mire hoñToñ kī pyaas hai

jo lafz hai tarā.ī kā ab us ke paas hai

kis ne gulāb rang shafaq meñ milā diyā

har phuul ke badan pe sunahrī libās hai

kuchh is liye safar pe safar kar rahā huuñ maiñ

nā-āshnā hayāt ko kuchh mujh se aas hai

achchhā to ye thā kuchh bhī na hotā safar meñ saath

thak is liye gayā huuñ ki sāmān paas hai

āñkhoñ kī niiñd se bhī subuk-dosh kar gayā

tanhā.iyoñ meñ kaun mirā ġham-shanās hai

ik kashmakash sī rahtī hai sach aur fareb meñ

vo duur hai zarūr magar ās-pās hai

bāñdhā huā hai ḳhud ko sabhī ne hisār meñ

ġham bāñTne kā vaqt yahāñ kis ke paas hai

kal jo samajh ke chhoḌ gayā thā shikasta-pā

manzil pe aaj dekh ke mujh ko udaas hai

ab tak kī zindagī meñ to samjhā hai bas yahī

duniyā hai ik fareb-e-nazar ik qayās hai

'nāshir' kisī se kartā nahīñ hai shikāyateñ

shāyad yahī sabab hai zabāñ meñ miThās hai

main KHush bahut hun mujh ko faqiri jo ras hai

warna amir-e-shahr bahut bad-hawas hai

kitni azim-tar mere honTon ki pyas hai

jo lafz hai tarai ka ab us ke pas hai

kis ne gulab rang shafaq mein mila diya

har phul ke badan pe sunahri libas hai

kuchh is liye safar pe safar kar raha hun main

na-ashna hayat ko kuchh mujh se aas hai

achchha to ye tha kuchh bhi na hota safar mein sath

thak is liye gaya hun ki saman pas hai

aankhon ki nind se bhi subuk-dosh kar gaya

tanhaiyon mein kaun mera gham-shanas hai

ek kashmakash si rahti hai sach aur fareb mein

wo dur hai zarur magar aas-pas hai

bandha hua hai KHud ko sabhi ne hisar mein

gham banTne ka waqt yahan kis ke pas hai

kal jo samajh ke chhoD gaya tha shikasta-pa

manzil pe aaj dekh ke mujh ko udas hai

ab tak ki zindagi mein to samjha hai bas yahi

duniya hai ek fareb-e-nazar ek qayas hai

'nashir' kisi se karta nahin hai shikayaten

shayad yahi sabab hai zaban mein miThas hai