main KHush hua ki bud mein rakkha gaya mujhe

maiñ ḳhush huā ki buud meñ rakkhā gayā mujhe

hālāñki bas quyūd meñ rakkhā gayā mujhe

ḳhadshāt kī salīb pe khīñchī ga.ī hayāt

hālāt ke jumūd meñ rakkhā gayā mujhe

jis samt bhī gayā maiñ ajal mere saath thī

ya.anī mirī hudūd meñ rakkhā gayā mujhe

barfāb ḳhvāb jab mirī āñkhoñ meñ aa base

ik hashr kī numūd meñ rakkhā gayā mujhe

duniyā ko dekhtā huuñ yuuñ hairat se roz-o-shab

jaise abhī vajūd meñ rakkhā gayā mujhe

be-sāz gungunāyā gayā mujh ko har ghaḌī

be-tāl hī surūd meñ rakkhā gayā mujhe

to kyā baqā freb-zada harf hai faqīh

to kyā faqat nabūd meñ rakkhā gayā mujhe

main KHush hua ki bud mein rakkha gaya mujhe

haalanki bas quyud mein rakkha gaya mujhe

KHadshat ki salib pe khinchi gai hayat

haalat ke jumud mein rakkha gaya mujhe

jis samt bhi gaya main ajal mere sath thi

yani meri hudud mein rakkha gaya mujhe

barfab KHwab jab meri aankhon mein aa base

ek hashr ki numud mein rakkha gaya mujhe

duniya ko dekhta hun yun hairat se roz-o-shab

jaise abhi wajud mein rakkha gaya mujhe

be-saz gungunaya gaya mujh ko har ghaDi

be-tal hi surud mein rakkha gaya mujhe

to kya baqa freb-zada harf hai faqih

to kya faqat nabud mein rakkha gaya mujhe