main kinaron ko rulane laga hun

maiñ kināroñ ko rulāne lagā huuñ

phuul dariyā meñ bahāne lagā huuñ

khel ko ḳhatm karo jaldī se

varna maiñ parda girāne lagā huuñ

dil se jā.ūñ to batānā mujh ko

terī mahfil se to jaane lagā huuñ

yuuñ lagī mujh ko mohabbat terī

jaise maiñ bojh uThāne lagā huuñ

pahle maiñ apnā uḌātā thā mazāq

aur ab ḳhaak uḌāne lagā huuñ

kitnī āsānī se maarā gayā thā

kitnī mushkil se Thikāne lagā huuñ

shukr hai ishq ke saude meñ bhī

ashk do-chār kamāne lagā huuñ

vaqt huuñ aur baḌī muddat se

maiñ tire saath zamāne lagā huuñ

aise ḳhāmosh huā huuñ 'zāhid'

jaise maiñ baat baḌhāne lagā huuñ

main kinaron ko rulane laga hun

phul dariya mein bahane laga hun

khel ko KHatm karo jaldi se

warna main parda girane laga hun

dil se jaun to batana mujh ko

teri mahfil se to jaane laga hun

yun lagi mujh ko mohabbat teri

jaise main bojh uThane laga hun

pahle main apna uData tha mazaq

aur ab KHak uDane laga hun

kitni aasani se mara gaya tha

kitni mushkil se Thikane laga hun

shukr hai ishq ke saude mein bhi

ashk do-chaar kamane laga hun

waqt hun aur baDi muddat se

main tere sath zamane laga hun

aise KHamosh hua hun 'zahid'

jaise main baat baDhane laga hun