main kisi ka bura chahta hi nahin

maiñ kisī kā burā chāhtā hī nahīñ

chāhnā chhoḌiye sochtā hī nahīñ

ḳhvāb-hā-ḳhvāb jo mujh se miltā rahā

yaar maiñ to use jāntā hī nahīñ

DhūñDhte DhūñDhte thak chukā yaar maiñ

ab ḳhushī ko kahīñ DhūñDhtā hī nahīñ

haiñ bahut se bhale log yaañ pe magar

koī merā bhalā chāhtā hī nahīñ

is sadāqat se sab log mahrūm haiñ

be-sabab maiñ kabhī boltā hī nahīñ

koī āh-o-fuġhāñ se hai mahrūm aur

koī bazm-e-tarab dekhtā hī nahīñ

main kisi ka bura chahta hi nahin

chahna chhoDiye sochta hi nahin

KHwab-ha-KHwab jo mujh se milta raha

yar main to use jaanta hi nahin

DhunDhte DhunDhte thak chuka yar main

ab KHushi ko kahin DhunDhta hi nahin

hain bahut se bhale log yan pe magar

koi mera bhala chahta hi nahin

is sadaqat se sab log mahrum hain

be-sabab main kabhi bolta hi nahin

koi aah-o-fughan se hai mahrum aur

koi bazm-e-tarab dekhta hi nahin