main kya kahun ki teri chashm-e-iltifat nahin

maiñ kyā kahūñ ki tirī chashm-e-iltifāt nahīñ

hayāt-e-shauq pe taarī ġham-e-hayāt nahīñ

jo dil pe guzrīñ mohabbat ke ḳhaas lamhoñ meñ

hudūd-e-sharh-o-bayyañ meñ vo vāqi.āt nahīñ

ġham-e-davām-e-mohabbat hai tishna-e-ma.anī

fanā ke ba.ad agar manzil-e-hayāt nahīñ

tire baġhair bhī ehsās-e-zīst hai lekin

taḌap meñ dard kī vo shorish-e-hayāt nahīñ

maqām-e-be-ḳhudī ishq ai ma.āz-allāh

maiñ us jagah huuñ jahāñ mujh ko hosh-e-zāt nahīñ

nigāh-e-dost tirī dil-navāziyāñ ma.alūm

ḳhatā muaaf maiñ ḳhvāhān-e-iltifāt nahīñ

jamāl tak hī na mahdūd rakh nazar 'mānī'

ki āshiqī kī yahī saarī kā.enāt nahīñ

main kya kahun ki teri chashm-e-iltifat nahin

hayat-e-shauq pe tari gham-e-hayat nahin

jo dil pe guzrin mohabbat ke KHas lamhon mein

hudud-e-sharh-o-bayyan mein wo waqiat nahin

gham-e-dawam-e-mohabbat hai tishna-e-mani

fana ke baad agar manzil-e-hayat nahin

tere baghair bhi ehsas-e-zist hai lekin

taDap mein dard ki wo shorish-e-hayat nahin

maqam-e-be-KHudi ishq ai maaz-allah

main us jagah hun jahan mujh ko hosh-e-zat nahin

nigah-e-dost teri dil-nawaziyan malum

KHata muaf main KHwahan-e-iltifat nahin

jamal tak hi na mahdud rakh nazar 'mani'

ki aashiqi ki yahi sari kaenat nahin