main na pahuncha to ghar gae mere

maiñ na pahuñchā to ghar ga.e mere

raat ahbāb Dar ga.e mere

is se pahle ki jaam bhartā maiñ

yak-ba-yak zaḳhm bhar ga.e mere

raat maiñ us galī se kyā guzrā

jaise sab din guzar ga.e mere

maiñ kahāñ tak gayā nahīñ mā'lūm

duur tak bāl-o-par ga.e mere

un se ab haal kah ke dekhtā huuñ

she'r to be-asar ga.e mere

maiñ to apnī taraf gayā 'ġhā.er'

kis taraf ham-safar ga.e mere

main na pahuncha to ghar gae mere

raat ahbab Dar gae mere

is se pahle ki jam bharta main

yak-ba-yak zaKHm bhar gae mere

raat main us gali se kya guzra

jaise sab din guzar gae mere

main kahan tak gaya nahin ma'lum

dur tak baal-o-par gae mere

un se ab haal kah ke dekhta hun

she'r to be-asar gae mere

main to apni taraf gaya 'ghaer'

kis taraf ham-safar gae mere