میں نہ ٹھہروں نہ جان تو ٹھہرے
کون لمحوں کے روبرو ٹھہرے
نہ گزرنے پہ زندگی گزری
نہ ٹھہرنے پہ چار سو ٹھہرے
ہے مری بزم بے دلی بھی عجیب
دل پہ رکھوں جہاں سبو ٹھہرے
میں یہاں مدتوں میں آیا ہوں
ایک ہنگامہ کو بہ کو ٹھہرے
محفل رخصت ہمیشہ ہے
آؤ اک حشر ہا و ہو ٹھہرے
اک توجہ عجب ہے سمتوں میں
کہ نہ بولوں تو گفتگو ٹھہرے
کج ادا تھی بہت امید مگر
ہم بھی جونؔ ایک حیلہ جو ٹھہرے
ایک چاک برہنگی ہے وجود
پیرہن ہو تو بے رفو ٹھہرے
میں جو ہوں کیا نہیں ہوں میں خود بھی
خود سے بات آج دو بدو ٹھہرے
باغ جاں سے ملا نہ کوئی ثمر
جونؔ ہم تو نمو نمو ٹھہرے
مأخذ:
Gumaan (Poetry) (Pg. 91)
- مصنف: Jaun Elia
-
- اشاعت: 2012
- ناشر: Takhleeqar Publishers
- سن اشاعت: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
