main nahin kahta ki har mushkil meri aasan ho

maiñ nahīñ kahtā ki har mushkil mirī āsān ho

rāstā hamvār hone kā koī imkān ho

is numā.ish ke zamāna kā yahī dastūr hai

kuchh na ho mazmūn meñ lekin nayā 'unvān ho

raushnī āñkhoñ kī jaa.e yā ke mujh ko maut aa.e

jo bhī honā ho vo terī diid ke daurān ho

dard ho ārām ho yā zahr ho yā phir davā

zindagī kā yā hamārī maut kā sāmān ho

maiñ kisī bhī aadmī kī bad-du'ā letā nahīñ

kaun jaane kab kahāñ kis shakl meñ bhagvān ho

main nahin kahta ki har mushkil meri aasan ho

rasta hamwar hone ka koi imkan ho

is numaish ke zamana ka yahi dastur hai

kuchh na ho mazmun mein lekin naya 'unwan ho

raushni aankhon ki jae ya ke mujh ko maut aae

jo bhi hona ho wo teri did ke dauran ho

dard ho aaram ho ya zahr ho ya phir dawa

zindagi ka ya hamari maut ka saman ho

main kisi bhi aadmi ki bad-du'a leta nahin

kaun jaane kab kahan kis shakl mein bhagwan ho