maine ai yar KHwab dekha hai
maiñ ne ai yaar ḳhvāb dekhā hai
vo ruḳh-e-māhtāb dekhā hai
log kahte haiñ yaaro 'ishq jise
maiñ ne us kā nisāb dekhā hai
jis kī tamsīl hai bahut mushkil
husn vo lā-javāb dekhā hai
maiñ ne dekhā hai husn-e-jānāñ ko
jabki sab ne hijāb dekhā hai
huur jaisī adā.eñ jānāñ kī
aur āñkheñ sharāb dekhā hai
ḳhvāb dekhā hai jab bhī gulshan kā
us meñ us ko gulāb dekhā hai
us kī chāhat meñ tujh ko ai 'rahbar'
ham ne hote ḳharāb dekhā hai
main ne ai yar KHwab dekha hai
wo ruKH-e-mahtab dekha hai
log kahte hain yaro 'ishq jise
main ne us ka nisab dekha hai
jis ki tamsil hai bahut mushkil
husn wo la-jawab dekha hai
main ne dekha hai husn-e-jaanan ko
jabki sab ne hijab dekha hai
hur jaisi adaen jaanan ki
aur aankhen sharab dekha hai
KHwab dekha hai jab bhi gulshan ka
us mein us ko gulab dekha hai
us ki chahat mein tujh ko ai 'rahbar'
hum ne hote KHarab dekha hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
