maine apna haq manga tha wo nahaq hi ruTh gaya

maiñ ne apnā haq māñgā thā vo nāhaq hī ruuTh gayā

bas itnī sī baat huī thī saath hamārā chhūT gayā

vo merā hai āḳhir ik din mujh ko mil hī jā.egā

mere man kā ek bharam thā kab tak rahtā TuuT gayā

duniyā bhar kī shān-o-shaukat jyuuñ kī tyuuñ hī dharī rahī

mere bai-rāgī man meñ jab sach aayā to jhuuT gayā

kyā jaane ye aañkh khulī yā phir se koī bharam huā

ab ke aise uchTā dil kuchh chhoḌā aur kuchh chhūT gayā

laḌte laḌte āḳhir ik din panchhī kī hī jiit huī

parān pakherū ne tan chhoḌā ḳhālī piñjra chhūT gayā

main ne apna haq manga tha wo nahaq hi ruTh gaya

bas itni si baat hui thi sath hamara chhuT gaya

wo mera hai aaKHir ek din mujh ko mil hi jaega

mere man ka ek bharam tha kab tak rahta TuT gaya

duniya bhar ki shan-o-shaukat jyun ki tyun hi dhari rahi

mere bai-ragi man mein jab sach aaya to jhuT gaya

kya jaane ye aankh khuli ya phir se koi bharam hua

ab ke aise uchTa dil kuchh chhoDa aur kuchh chhuT gaya

laDte laDte aaKHir ek din panchhi ki hi jit hui

paran pakheru ne tan chhoDa KHali pinjra chhuT gaya