maine apni ruh ko apne tan se alag kar rakkha hai

Abdul Ahad Saaz

maine apni ruh ko apne tan se alag kar rakkha hai

Abdul Ahad Saaz

MORE BY Abdul Ahad Saaz

    maiñ ne apnī ruuh ko apne tan se alag kar rakkhā hai

    yuuñ nahīñ jaise jism ko pairāhan se alag kar rakkhā hai

    mere lafzoñ se guzro mujh se dar-guzro ki maiñ ne

    fan ke pairā.e meñ ḳhud ko fan se alag kar rakkhā hai

    fātiha paḌh kar yahīñ subuk ho leñ ahbāb chalo varna

    maiñ ne apnī mayyat ko madfan se alag kar rakkhā hai

    ghar vaale mujhe ghar par dekh ke ḳhush haiñ aur vo kyā jāneñ

    maiñ ne apnā ghar apne maskan se alag kar rakkhā hai

    is pe na jaao kaise kiyā hai maiñ ne mujh ko ḳhud se alag

    bas ye dekho kaise anokhe-pan se alag kar rakkhā hai

    umr rasta aur koī hai vaqt ke manzar aur kahīñ

    maiñ ne bhī donoñ ko baham bachpan se alag kar rakkhā hai

    dard gutthī suljhāne phir kyuuñ aa.e ho ḳhirad vālo?

    bābā! ham ne tum ko jis uljhan se alag kar rakkhā hai

    main ne apni ruh ko apne tan se alag kar rakkha hai

    yun nahin jaise jism ko pairahan se alag kar rakkha hai

    mere lafzon se guzro mujh se dar-guzro ki main ne

    fan ke pairae mein KHud ko fan se alag kar rakkha hai

    fatiha paDh kar yahin subuk ho len ahbab chalo warna

    main ne apni mayyat ko madfan se alag kar rakkha hai

    ghar wale mujhe ghar par dekh ke KHush hain aur wo kya jaanen

    main ne apna ghar apne maskan se alag kar rakkha hai

    is pe na jao kaise kiya hai main ne mujh ko KHud se alag

    bas ye dekho kaise anokhe-pan se alag kar rakkha hai

    umr ka rasta aur koi hai waqt ke manzar aur kahin

    main ne bhi donon ko baham bachpan se alag kar rakkha hai

    dard ki gutthi suljhane phir kyun aae ho KHirad walo?

    baba! hum ne tum ko jis uljhan se alag kar rakkha hai

    Source:

    • Book : sargoshiyan zamanon ki (Pg. 18)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY