maine ghabra ke jo bhige hue lab chume the

maiñ ne ghabrā ke jo bhīge hue lab chūme the

vaqt-e-ruḳhsat tire rone ke sabab chūme the

apne hoñToñ ke taqaddus pe bahut naaz na kar

tū ne patthar ke tarāshe hue rab chūme the

us kī āñkhoñ se jo ruḳhsār pe Dhalke aañsū

maiñ ne motī kī tarah pyaar se sab chūme the

āsmāñ ko bhī to me.arāj milī jab us ne

paañv insān ke me.arāj kī shab chūme the

mujh ko vahshī na samajh tere mahakte hue lab

maiñ ne ġhaflat meñ bhī bā-hadd-e-adab chūme the

lams abhī tak hai mire hoñToñ pe un hoñToñ kā

aur mujhe ye bhī nahīñ yaad ki kab chūme the

main ne ghabra ke jo bhige hue lab chume the

waqt-e-ruKHsat tere rone ke sabab chume the

apne honTon ke taqaddus pe bahut naz na kar

tu ne patthar ke tarashe hue rab chume the

us ki aankhon se jo ruKHsar pe Dhalke aansu

main ne moti ki tarah pyar se sab chume the

aasman ko bhi to mearaj mili jab us ne

panw insan ke mearaj ki shab chume the

mujh ko wahshi na samajh tere mahakte hue lab

main ne ghaflat mein bhi ba-hadd-e-adab chume the

lams abhi tak hai mere honTon pe un honTon ka

aur mujhe ye bhi nahin yaad ki kab chume the