maine jab had se guzarne ka irada kar liya

maiñ ne jab had se guzarne kā irāda kar liyā

manzil-e-dushvār ko tai pā-piyāda kar liyā

be-haqīqat ho ga.e merī nazar meñ mehr-o-māh

maiñ ne jab ghar ke diye se istifāda kar liyā

āñsuoñ ne ġham ko uryāñ kar diyā hotā magar

dil kī ġhairat ne tabassum ko labāda kar liyā

amn kī sab shāhrāheñ tañg ho kar rah ga.iiñ

hādsoñ ne rāsta kitnā kushāda kar liyā

umr bhar 'āzim' rahegā nashsha-e-ġham kā ḳhumār

aañkh ko paimāna-e-ḳhūñ dil ko baada kar liyā

main ne jab had se guzarne ka irada kar liya

manzil-e-dushwar ko tai pa-piyaada kar liya

be-haqiqat ho gae meri nazar mein mehr-o-mah

main ne jab ghar ke diye se istifada kar liya

aansuon ne gham ko uryan kar diya hota magar

dil ki ghairat ne tabassum ko labaada kar liya

amn ki sab shahrahen tang ho kar rah gain

hadson ne rasta kitna kushada kar liya

umr bhar 'azim' rahega nashsha-e-gham ka KHumar

aankh ko paimana-e-KHun dil ko baada kar liya