maine jis shaKHs ki barson se taraf-dari ki

maiñ ne jis shaḳhs kī barsoñ se taraf-dārī kī

us ne mere hī liye jañg kī tayyārī kī

mere baare meñ vo tahqīq kiyā kartā hai

mil ga.ī mujh ko sanad merī vafādārī kī

jin se īmān kī tasvīr hai TukḌe TukḌe

guftugū vo bhī kiyā karte haiñ ḳhuddārī kī

chal diye jānib-e-manzil ko ba-hamrāh-e-junūñ

ham ne to fikr na kī raah kī dushvārī kī

bazm-e-yārāñ meñ jo ḳhāmosh rahā kartā thā

aaj us shaḳhs ne lafzoñ kī sharar-bārī kī

ishq meñ dil ko tasallī nahīñ milne vaalī

phir mire saath mire nafs ne makkārī kī

uTh gayā aaj naqāb us ke ruḳh-e-zebā se

toḌ dī us ne vo zanjīr hī dildārī kī

jis jahāñ meñ yuuñ adāvat kī chhurī chaltī ho

kyā zarūrat vahāñ 'ḳhurshīd' ravādārī kī

main ne jis shaKHs ki barson se taraf-dari ki

us ne mere hi liye jang ki tayyari ki

mere bare mein wo tahqiq kiya karta hai

mil gai mujh ko sanad meri wafadari ki

jin se iman ki taswir hai TukDe TukDe

guftugu wo bhi kiya karte hain KHuddari ki

chal diye jaanib-e-manzil ko ba-hamrah-e-junun

hum ne to fikr na ki rah ki dushwari ki

bazm-e-yaran mein jo KHamosh raha karta tha

aaj us shaKHs ne lafzon ki sharar-bari ki

ishq mein dil ko tasalli nahin milne wali

phir mere sath mere nafs ne makkari ki

uTh gaya aaj naqab us ke ruKH-e-zeba se

toD di us ne wo zanjir hi dildari ki

jis jahan mein yun adawat ki chhuri chalti ho

kya zarurat wahan 'KHurshid' rawadari ki