maine kahin thin aap se baaten bhali bhali

maiñ ne kahīñ thiiñ aap se bāteñ bhalī bhalī

rusvā kiyā hai aap ne mujh ko galī galī

maiñ ne kahā nahīñ thā ki sho.ala-badan haiñ log

ab kyuuñ dikhā rahe ho hathelī jalī jalī

gulshan meñ jo chalī hai havā kitnī tez hai

bikhrī paḌī hai shāḳh se kaT kar kalī kalī

ek aur shab kī raah meñ āñkheñ bichhā.iye

ye shab ba-sūrat-e-shab-e-rafta Dhalī Dhalī

kaise sarak sarak ke bharī gāgareñ girīñ

jab mere saath saath koī manchalī chalī

maiñ ne ġhazal sunā.ī to ik ahl-e-dil 'rashīd'

siine pe haath rakh ke pukārā valī valī

main ne kahin thin aap se baaten bhali bhali

ruswa kiya hai aap ne mujh ko gali gali

main ne kaha nahin tha ki shoala-badan hain log

ab kyun dikha rahe ho hatheli jali jali

gulshan mein jo chali hai hawa kitni tez hai

bikhri paDi hai shaKH se kaT kar kali kali

ek aur shab ki rah mein aankhen bichhaiye

ye shab ba-surat-e-shab-e-rafta Dhali Dhali

kaise sarak sarak ke bhari gagaren girin

jab mere sath sath koi manchali chali

main ne ghazal sunai to ek ahl-e-dil 'rashid'

sine pe hath rakh ke pukara wali wali