maine KHud pinjre ki khiDki kholi hai

maiñ ne ḳhud pinjre kī khiḌkī kholī hai

chiḌiyā apne aap kahāñ kuchh bolī hai

sūraj ne jañgal meñ Dere Daale haiñ

patjhaḌ ne bhī khelī āñkh-micholī hai

yuuñ bāheñ phailā.e miltī hai aa kar

bārish jaise miTTī kī ham-jolī hai

haa.e tashaḳhḳhus kī maarī is duniyā meñ

sab kī apnī riitī apnī bolī hai

diip jalā.e rasta taktī rahtī huuñ

vo aa.e to iid divālī holī hai

us kā lahja raat kī raanī ke jaisā

uf us ne ye kaisī ḳhushbū gholī hai

kaisī girānī hai izzat kī roTī meñ

is se sastī ik bandūq kī golī hai

pūchh rahī hai apnī maañ se ik beTī

byaah ke ma.anī zevar lahñgā cholī hai

kab se le kar aas karam kī yā-allāh

tere dar pe apnī phailī jholī hai

ḳhud-ġharzī ke daur meñ 'sīmā' rishtoñ se

ummīdeñ rakhtī hai kitnī bholī hai

main ne KHud pinjre ki khiDki kholi hai

chiDiya apne aap kahan kuchh boli hai

suraj ne jangal mein Dere Dale hain

patjhaD ne bhi kheli aankh-micholi hai

yun bahen phailae milti hai aa kar

barish jaise miTTi ki ham-joli hai

hae tashaKHKHus ki mari is duniya mein

sab ki apni riti apni boli hai

dip jalae rasta takti rahti hun

wo aae to id diwali holi hai

us ka lahja raat ki rani ke jaisa

uf us ne ye kaisi KHushbu gholi hai

kaisi girani hai izzat ki roTi mein

is se sasti ek banduq ki goli hai

puchh rahi hai apni man se ek beTi

byah ke mani zewar lahnga choli hai

kab se le kar aas karam ki ya-allah

tere dar pe apni phaili jholi hai

KHud-gharzi ke daur mein 'sima' rishton se

ummiden rakhti hai kitni bholi hai