maine teri aankhon mein paDha allah hi allah

maiñ ne tirī āñkhoñ meñ paḌhā allah hī allāh

sab bhuul gayā yaad rahā allah hī allāh

phūloñ meñ basī chāñdnī rātoñ kī namāzeñ

ḳhushbū hī sitāroñ kī duā allah hī allāh

peḌoñ kī safeñ paak farishtoñ kī qatāreñ

ḳhāmosh pahāḌoñ kī nidā allah hī allāh

bādal kī ibādat hai barastā huā paanī

aañsū kī ġhazal hamd-o-sanā allah hī allāh

ik phuul ne kaunain kī daulat mujhe de dī

aañsū se hathelī pe likhā allah hī allāh

ham donoñ usī paak samandar kī haiñ lahreñ

lā haath mire haath meñ lā allah hī allāh

ik naam ko saḳhtī kā mujhe shauq huā thā

paanī pe havāoñ ne likhā allah hī allāh

vo sūra-e-yāsīn ki kāfūr kī ḳhushbū

mahke hue phūloñ kī ridā allah hī allāh

main ne teri aankhon mein paDha allah hi allah

sab bhul gaya yaad raha allah hi allah

phulon mein basi chandni raaton ki namazen

KHushbu hi sitaron ki dua allah hi allah

peDon ki safen pak farishton ki qataren

KHamosh pahaDon ki nida allah hi allah

baadal ki ibaadat hai barasta hua pani

aansu ki ghazal hamd-o-sana allah hi allah

ek phul ne kaunain ki daulat mujhe de di

aansu se hatheli pe likha allah hi allah

hum donon usi pak samandar ki hain lahren

la hath mere hath mein la allah hi allah

ek nam ko saKHti ka mujhe shauq hua tha

pani pe hawaon ne likha allah hi allah

wo sura-e-yasin ki kafur ki KHushbu

mahke hue phulon ki rida allah hi allah