maine usi se hath milaya tha aur bas

maiñ ne usī se haath milāyā thā aur bas

vo shaḳhs jo azal se parāyā thā aur bas

lambā safar thā ābla-pā.ī thī dhuup thī

maiñ thā tumhārī yaad kā saaya thā aur bas

hadd-e-nigāh chār-sū kirnoñ kā raqs thā

pahlū meñ chāñd jhiil ke aayā thā aur bas

ik bheḌiyā thā dostī kī khaal meñ chhupā

is ne mire vajūd ko khāyā thā aur bas

phir yuuñ huā havā.eñ thiiñ raqsāñ tamām-rāt

ik tāqche meñ diip jalāyā thā aur bas

donoñ taraf kī ranjisheñ ashkoñ meñ bah ga.iiñ

ik shaḳhs mere ḳhvāb meñ aayā thā aur bas

is kārzār-e-zīst meñ ham ne tamām-umr

'arshad' kisī kā ishq kamāyā thā aur bas

main ne usi se hath milaya tha aur bas

wo shaKHs jo azal se paraya tha aur bas

lamba safar tha aabla-pai thi dhup thi

main tha tumhaari yaad ka saya tha aur bas

hadd-e-nigah chaar-su kirnon ka raqs tha

pahlu mein chand jhil ke aaya tha aur bas

ek bheDiya tha dosti ki khaal mein chhupa

is ne mere wajud ko khaya tha aur bas

phir yun hua hawaen thin raqsan tamam-raat

ek taqche mein dip jalaya tha aur bas

donon taraf ki ranjishen ashkon mein bah gain

ek shaKHs mere KHwab mein aaya tha aur bas

is karzar-e-zist mein hum ne tamam-umr

'arshad' kisi ka ishq kamaya tha aur bas