main pas-e-tark-e-mohabbat kisi mushkil mein nahin

maiñ pas-e-tark-e-mohabbat kisī mushkil meñ nahīñ

dil bhī pahlū meñ nahīñ dard bhī ab dil meñ nahīñ

bul-havas chal diye sab jaan bachā kar apnī

sirf qātil hai koī kūcha-e-qātil meñ nahīñ

vaqt marne kā jo aa.egā to mar jā.ūñgā

mere nazdīk ye mushkil koī mushkil meñ nahīñ

Duub kar paar utarte haiñ utarne vaale

qa.ar-e-dariyā kā maza dāman-e-sāhil meñ nahīñ

bas vahī qahr-o-ġhazab bas vahī āzār-e-sitam

lutf kī baat koī aap kī mahfil meñ nahīñ

bhej kar ḳhat unheñ bulvā.eñ muhibbān-e-suḳhan

kuchh bhī mahfil meñ nahīñ 'nūh' jo mahfil meñ nahīñ

main pas-e-tark-e-mohabbat kisi mushkil mein nahin

dil bhi pahlu mein nahin dard bhi ab dil mein nahin

bul-hawas chal diye sab jaan bacha kar apni

sirf qatil hai koi kucha-e-qatil mein nahin

waqt marne ka jo aaega to mar jaunga

mere nazdik ye mushkil koi mushkil mein nahin

Dub kar par utarte hain utarne wale

qar-e-dariya ka maza daman-e-sahil mein nahin

bas wahi qahr-o-ghazab bas wahi aazar-e-sitam

lutf ki baat koi aap ki mahfil mein nahin

bhej kar KHat unhen bulwaen muhibban-e-suKHan

kuchh bhi mahfil mein nahin 'nuh' jo mahfil mein nahin