main ratjagon ke mukammal azab dekhunga
maiñ ratjagoñ ke mukammal azaab dekhūñgā
kisī ne jo nahīñ dekhe vo ḳhvāb dekhūñgā
vo vaqt aa.egā merī hayāt meñ jab maiñ
mohabbatoñ ke chaman meñ gulāb dekhūñgā
ghirā huā huuñ añdheroñ meñ ġham nahīñ mujh ko
shab-e-siyāh ke ba.ad āftāb dekhūñgā
chaleñge tez bahut terī yaad ke jhoñke
maiñ apnī aañkh meñ jab sail-e-āb dekhūñgā
maiñ nuqta nuqta utar kar tirī nigāhoñ meñ
varaq varaq tire dil kī kitāb dekhūñgā
udāsiyoñ ke sivā kuchh nahīñ milegā mujhe
'zamān' jab bhī mohabbat kā baab dekhūñgā
main ratjagon ke mukammal azab dekhunga
kisi ne jo nahin dekhe wo KHwab dekhunga
wo waqt aaega meri hayat mein jab main
mohabbaton ke chaman mein gulab dekhunga
ghira hua hun andheron mein gham nahin mujh ko
shab-e-siyah ke baad aaftab dekhunga
chalenge tez bahut teri yaad ke jhonke
main apni aankh mein jab sail-e-ab dekhunga
main nuqta nuqta utar kar teri nigahon mein
waraq waraq tere dil ki kitab dekhunga
udasiyon ke siwa kuchh nahin milega mujhe
'zaman' jab bhi mohabbat ka bab dekhunga
- Book : Pakistani Adab (Pg. 500)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
