main roz ek nai dastan banaunga

maiñ roz ek na.ī dāstāñ banā.ūñgā

phir is ke baa'd ḳhamoshī meñ Duub jā.ūñgā

sukūñ mile mujhe miTTī kī kokh meñ shāyad

maiñ mar gayā to kabhī lauT kar na ā.ūñgā

vo Dor hai to mire haath meñ rahegī sadā

patang hai to havā meñ use uḌā.ūñgā

judā judā haiñ lakīreñ sabhī ke hāthoñ kī

hujūm meñ bhī akelā hī ḳhud ko pā.ūñgā

agar nasīb huī mujh ko ek bhī nekī

maiñ apne saare gunāhoñ ko bhuul jā.ūñgā

main roz ek nai dastan banaunga

phir is ke ba'd KHamoshi mein Dub jaunga

sukun mile mujhe miTTi ki kokh mein shayad

main mar gaya to kabhi lauT kar na aaunga

wo Dor hai to mere hath mein rahegi sada

patang hai to hawa mein use uDaunga

juda juda hain lakiren sabhi ke hathon ki

hujum mein bhi akela hi KHud ko paunga

agar nasib hui mujh ko ek bhi neki

main apne sare gunahon ko bhul jaunga