main samundar na bana ju-e-rawan hote hue

maiñ samundar na banā jū-e-ravāñ hote hue

ban ke jugnū na uḌā shoa.la-fishāñ hote hue

rafta rafta bhī hue kaam jinheñ honā thā

kyuuñ añdhere na chhuTe sub.h-e-ayāñ hote hue

kal ajab baat huī auj pe thī tanhā.ī

paas mere tire hone kā gumāñ hote hue

tū na ban jaa.e kahīñ pahlā nishāna merā

tere qaabū meñ mire tīr-o-kamāñ hote hue

baaġh vīrān bahāroñ meñ rahe aur 'shādāb'

phuul jañgal meñ khile fasl-e-ḳhizāñ hote hue

main samundar na bana ju-e-rawan hote hue

ban ke jugnu na uDa shoala-fishan hote hue

rafta rafta bhi hue kaam jinhen hona tha

kyun andhere na chhuTe subh-e-ayan hote hue

kal ajab baat hui auj pe thi tanhai

pas mere tere hone ka guman hote hue

tu na ban jae kahin pahla nishana mera

tere qabu mein mere tir-o-kaman hote hue

bagh viran bahaaron mein rahe aur 'shadab'

phul jangal mein khile fasl-e-KHizan hote hue