main takiye par sitare bo raha hun

Aitbar Sajid

main takiye par sitare bo raha hun

Aitbar Sajid

MORE BYAitbar Sajid

    maiñ takiye par sitāre bo rahā huuñ

    janam-din hai akelā ro rahā huuñ

    kisī ne jhāñk kar dekhā na dil meñ

    ki maiñ andar se kaisā ho rahā huuñ

    jo dil par daaġh haiñ pichhlī rutoñ ke

    unheñ ab āñsuoñ se dho rahā huuñ

    sabhī parchhā.iyāñ haiñ saath lekin

    bharī mahfil meñ tanhā ho rahā huuñ

    mujhe in nisbatoñ se kaun samjhā

    maiñ rishte meñ kisī jo rahā huuñ

    maiñ chauñk uThtā huuñ aksar baiThe baiThe

    ki jaise jāgte meñ so rahā huuñ

    kise paane ḳhvāhish hai ki 'sājid'

    maiñ rafta rafta ḳhud ko kho rahā huuñ

    main takiye par sitare bo raha hun

    janam-din hai akela ro raha hun

    kisi ne jhank kar dekha na dil mein

    ki main andar se kaisa ho raha hun

    jo dil par dagh hain pichhli ruton ke

    unhen ab aansuon se dho raha hun

    sabhi parchhaiyan hain sath lekin

    bhari mahfil mein tanha ho raha hun

    mujhe in nisbaton se kaun samjha

    main rishte mein kisi ka jo raha hun

    main chaunk uThta hun aksar baiThe baiThe

    ki jaise jagte mein so raha hun

    kise pane ki KHwahish hai ki 'sajid'

    main rafta rafta KHud ko kho raha hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY