main to ek lamha-e-parida raha
maiñ to ik lamha-e-parīda rahā
jaane kyuuñ vo bahut kashīda rahā
rū-ba-rū zikr-e-nā-shunīda rahā
uTh gayā to mirā qasīda rahā
maiñ bhī banda hī thā ḳhudā kī qasam
ye alag hai ki barguzīda rahā
aur to koī ġham na thā us ko
bas mirī chaah meñ tapīda rahā
shab kī peshānī kā maiñ jhūmar thā
kyā huā gar havā-guzīda rahā
mere hisse meñ us sahīfe kā
ik varaq thā vahī darīda rahā
koī ummīd bar na aatī thī
zindagī bhar sitam-rasīda rahā
main to ek lamha-e-parida raha
jaane kyun wo bahut kashida raha
ru-ba-ru zikr-e-na-shunida raha
uTh gaya to mera qasida raha
main bhi banda hi tha KHuda ki qasam
ye alag hai ki barguzida raha
aur to koi gham na tha us ko
bas meri chah mein tapida raha
shab ki peshani ka main jhumar tha
kya hua gar hawa-guzida raha
mere hisse mein us sahife ka
ek waraq tha wahi darida raha
koi ummid bar na aati thi
zindagi bhar sitam-rasida raha
Source:
Rooh-e-Ghazal,Pachas Sala Intekhab (Pg. 455)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
