main tumko bhul bhi sakta hun is jahan ke liye
maiñ tum ko bhuul bhī saktā huuñ is jahāñ ke liye
zarā sā jhuuT zarūr hai dāstāñ ke liye
mire laboñ pe koī buuñd Tapkī aañsū kī
ye qatra kaafī thā jalte hue makāñ ke liye
maiñ kyā dikhā.ūñ mire taar taar dāman meñ
na kuchh yahāñ ke liye hai na kuchh vahāñ ke liye
ġhazal bhī is tarah us ke huzūr laayā huuñ
ki jaise bachcha koī aa.e imtihāñ ke liye
main tum ko bhul bhi sakta hun is jahan ke liye
zara sa jhuT zarur hai dastan ke liye
mere labon pe koi bund Tapki aansu ki
ye qatra kafi tha jalte hue makan ke liye
main kya dikhaun mere tar tar daman mein
na kuchh yahan ke liye hai na kuchh wahan ke liye
ghazal bhi is tarah us ke huzur laya hun
ki jaise bachcha koi aae imtihan ke liye
Source:
Aasman (Pg. 31)
- Author: Bashir Badar
-
- Edition: 2011
- Publisher: M.R. Publications
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
