main umar ke raste mein chup-chap bikhar jata

Azm Bahzad

main umar ke raste mein chup-chap bikhar jata

Azm Bahzad

MORE BYAzm Bahzad

    maiñ umar ke raste meñ chup-chāp bikhar jaatā

    ik din bhī agar apnī tanhā.ī se Dar jaatā

    maiñ tark-e-ta.alluq par zinda huuñ so mujrim huuñ

    kaash us ke liye jiitā apne liye mar jaatā

    us raat koī ḳhushbū qurbat meñ nahīñ jaagī

    maiñ varna sañvar jaatā aur vo bhī nikhar jaatā

    us jān-e-takallum ko tum mujh se to milvāte

    tasḳhīr na kar paatā hairān to kar jaatā

    kal sāmne manzil thī pīchhe mirī āvāzeñ

    chaltā to bichhaḌ jaatā ruktā to safar jaatā

    maiñ shahr raunaq meñ gum ho ke bahut ḳhush thā

    ik shaam bachā letā ik roz to ghar jaatā

    mahrūm fazāoñ meñ māyūs nazāroñ meñ

    tum 'azm' nahīñ Thahre maiñ kaise Thahar jaatā

    main umar ke raste mein chup-chap bikhar jata

    ek din bhi agar apni tanhai se Dar jata

    main tark-e-talluq par zinda hun so mujrim hun

    kash us ke liye jita apne liye mar jata

    us raat koi KHushbu qurbat mein nahin jagi

    main warna sanwar jata aur wo bhi nikhar jata

    us jaan-e-takallum ko tum mujh se to milwate

    tasKHir na kar pata hairan to kar jata

    kal samne manzil thi pichhe meri aawazen

    chalta to bichhaD jata rukta to safar jata

    main shahr ki raunaq mein gum ho ke bahut KHush tha

    ek sham bacha leta ek roz to ghar jata

    mahrum fazaon mein mayus nazaron mein

    tum 'azm' nahin Thahre main kaise Thahar jata

    RECITATIONS

    Javed Saba

    Javed Saba

    Javed Saba

    mai.n umar ke raste me.n chup-chaap bikhar jaataa Javed Saba

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY