main uski baat ki tardid karne wala tha
main uski baat ki tardid karne wala tha
Rajinder Manchanda Bani
MORE BYRajinder Manchanda Bani
maiñ us kī baat kī tardīd karne vaalā thā
ik aur hādsa mujh par guzarne vaalā thā
kahīñ se aa gayā ik abr darmiyāñ varna
mire badan meñ ye sūraj utarne vaalā thā
mujhe sambhāl liyā terī ek aahaT ne
sukūt-e-shab kī tarah maiñ bikharne vaalā thā
ajiib lamha-e-kamzor se maiñ guzrā huuñ
tamām silsila pal meñ bikharne vaalā thā
maiñ laḌkhaḌā sā gayā sāya-e-shajar meñ zarūr
maiñ rāste meñ magar kab Thaharne vaalā thā
ab āsmāñ bhī baḌā shānt hai zamīñ bhī sukhī
guzar gayā hai jo ham par guzarne vaalā thā
lagā jo piiTh meñ aa kar vo tiir thā kis kā
maiñ dushmanoñ kī safoñ meñ na marne vaalā thā
main us ki baat ki tardid karne wala tha
ek aur hadsa mujh par guzarne wala tha
kahin se aa gaya ek abr darmiyan warna
mere badan mein ye suraj utarne wala tha
mujhe sambhaal liya teri ek aahaT ne
sukut-e-shab ki tarah main bikharne wala tha
ajib lamha-e-kamzor se main guzra hun
tamam silsila pal mein bikharne wala tha
main laDkhaDa sa gaya saya-e-shajar mein zarur
main raste mein magar kab Thaharne wala tha
ab aasman bhi baDa shant hai zamin bhi sukhi
guzar gaya hai jo hum par guzarne wala tha
laga jo piTh mein aa kar wo tir tha kis ka
main dushmanon ki safon mein na marne wala tha
Source:
Kulliyat-e-bani (Pg. 45)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
