main usulon se baghawat nahin karne wali

maiñ usūloñ se baġhāvat nahīñ karne vaalī

kabhī tauhīn-e-mohabbat nahīñ karne vaalī

mujh ko nazrāna-e-dil pesh na kiije sāhab

har kisī se maiñ mohabbat nahīñ karne vaalī

jo sharāfat kī hadoñ meñ kabhī rahte hī nahīñ

aise logoñ kī maiñ izzat nahīñ karne vaalī

tū ne dil toḌ diyā kar diyā mahrūm-e-vafā

phir bhī maiñ terī shikāyat nahīñ karne vaalī

ḳhūn-e-mazlūm se jo pyaas bujhā.eñ apnī

maiñ kabhī un kī himāyat nahīñ karne vaalī

mere dil ne jise chāhā vahī sab kuchh hai mirā

maiñ mohabbat kī tijārat nahīñ karne vaalī

ai 'anā' merī tabī.at meñ hai shoḳhī lekin

dil-shikan koī sharārat nahīñ karne vaalī

main usulon se baghawat nahin karne wali

kabhi tauhin-e-mohabbat nahin karne wali

mujh ko nazrana-e-dil pesh na kije sahab

har kisi se main mohabbat nahin karne wali

jo sharafat ki hadon mein kabhi rahte hi nahin

aise logon ki main izzat nahin karne wali

tu ne dil toD diya kar diya mahrum-e-wafa

phir bhi main teri shikayat nahin karne wali

KHun-e-mazlum se jo pyas bujhaen apni

main kabhi un ki himayat nahin karne wali

mere dil ne jise chaha wahi sab kuchh hai mera

main mohabbat ki tijarat nahin karne wali

ai 'ana' meri tabiat mein hai shoKHi lekin

dil-shikan koi shararat nahin karne wali