main uTha rakkhun na kuchh in ke liye

maiñ uThā rakkhūñ na kuchh in ke liye

ye hasīñ mil jaa.eñ do din ke liye

vāda-e-fardā ke sachche mil ga.e

ab uThā rakkhūñ maiñ kis din ke liye

kal ke va.ade par na de vo mai-farosh

jis ne toḌe ham se gin gin ke liye

qorma murġh-e-sahar kā vasl meñ

bhej detā huuñ mo.azzin ke liye

ye na kahne ko ho be-gintī diye

maiñ ne bose un ke gin gin ke liye

muñh jhulasne ko ḳhizāñ kā andalīb

āshiyāñ meñ baiThe haiñ tinke liye

mai-kasho vaa.iz mire sar ho gayā

koī tadbīr is paḌhe jin ke liye

ye 'riyāz' un ke bahut the muñh lage

uTh rahā kyā aaj kuchh din ke liye

main uTha rakkhun na kuchh in ke liye

ye hasin mil jaen do din ke liye

wada-e-farda ke sachche mil gae

ab uTha rakkhun main kis din ke liye

kal ke wade par na de wo mai-farosh

jis ne toDe hum se gin gin ke liye

qorma murgh-e-sahar ka wasl mein

bhej deta hun moazzin ke liye

ye na kahne ko ho be-ginti diye

main ne bose un ke gin gin ke liye

munh jhulasne ko KHizan ka andalib

aashiyan mein baiThe hain tinke liye

mai-kasho waiz mere sar ho gaya

koi tadbir is paDhe jin ke liye

ye 'riyaz' un ke bahut the munh lage

uTh raha kya aaj kuchh din ke liye