main wo aansu ki jo mala mein piroya jae

maiñ vo aañsū ki jo maalā meñ piroyā jaa.e

tū vo motī ki jise dekh ke royā jaa.e

bahr ko bahr na samjhe to ḳhatāvār bane

ab taqāzā hai safīne ko Duboyā jaa.e

ye bajā hai ki amānat meñ ḳhayānat na karo

ehtiyātan hī sahī zaḳhm ko dhoyā jaa.e

thak ga.e nazroñ ke paañv bhī siyah jañgal meñ

ab zarā der Thahar jaao ki soyā jaa.e

aaj kī raat ba-har-hāl na sonā 'shāhid'

har ghaḌī aañkh meñ ik ḳhaar chubhoyā jaa.e

main wo aansu ki jo mala mein piroya jae

tu wo moti ki jise dekh ke roya jae

bahr ko bahr na samjhe to KHatawar bane

ab taqaza hai safine ko Duboya jae

ye baja hai ki amanat mein KHayanat na karo

ehtiyatan hi sahi zaKHm ko dhoya jae

thak gae nazron ke panw bhi siyah jangal mein

ab zara der Thahar jao ki soya jae

aaj ki raat ba-har-haal na sona 'shahid'

har ghaDi aankh mein ek KHar chubhoya jae