makan-e-dil se jo uThta tha wo dhuan bhi gaya

Riaz Majeed

makan-e-dil se jo uThta tha wo dhuan bhi gaya

Riaz Majeed

MORE BYRiaz Majeed

    makān-e-dil se jo uThtā thā vo dhuāñ bhī gayā

    bujhī jo ātish-e-jāñ ziist nishāñ bhī gayā

    bahut panāh thī us ghar chhat ke saa.e meñ

    vahāñ se nikle to phir sar se āsmāñ bhī gayā

    baḌhā kuchh aur tajassus jalā kuchh aur bhī zehn

    haqīqatoñ ke ta.āqub meñ maiñ jahāñ bhī gayā

    rahe na saath jo pachhtāve bhī to rañj huā

    ki hāsil-e-safar-e-umr-e-rā.egāñ bhī gayā

    bachche hue the to ek ek lamha ginte the

    bikhar ga.e to phir andāza-e-zamāñ bhī gayā

    nishān tak na rahā apne ġharq hone

    dikhā.ī detā thā jo ab vo bādbāñ bhī gayā

    bharā thā dāman-e-ḳhvāhish to hashr barpā thā

    huā tahī to phir āvāza-e-sagāñ bhī gayā

    ab is udaas havelī se apnā kyā rishta

    makīñ ke saath hamāre liye makāñ bhī gayā

    bisāt-e-dahr pe shah-māt ho ga.ī ham ko

    'riyāz' vo bhī na haath aayā naqd-e-jāñ bhī gayā

    makan-e-dil se jo uThta tha wo dhuan bhi gaya

    bujhi jo aatish-e-jaan zist ka nishan bhi gaya

    bahut panah thi us ghar ki chhat ke sae mein

    wahan se nikle to phir sar se aasman bhi gaya

    baDha kuchh aur tajassus jala kuchh aur bhi zehn

    haqiqaton ke taaqub mein main jahan bhi gaya

    rahe na sath jo pachhtawe bhi to ranj hua

    ki hasil-e-safar-e-umr-e-raegan bhi gaya

    bachche hue the to ek ek lamha ginte the

    bikhar gae to phir andaza-e-zaman bhi gaya

    nishan tak na raha apne gharq hone ka

    dikhai deta tha jo ab wo baadban bhi gaya

    bhara tha daman-e-KHwahish to hashr barpa tha

    hua tahi to phir aawaza-e-sagan bhi gaya

    ab is udas haweli se apna kya rishta

    makin ke sath hamare liye makan bhi gaya

    bisat-e-dahr pe shah-mat ho gai hum ko

    'riyaz' wo bhi na hath aaya naqd-e-jaan bhi gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now