makin aur bhi hain makan aur bhi hain
makīñ aur bhī haiñ makāñ aur bhī haiñ
yahī do-jahāñ kyā jahāñ aur bhī haiñ
maqāmāt-e-dair-o-haram se guzar kar
tirī azmatoñ ke nishāñ aur bhī haiñ
kiye jā.iye sa.ī-e-tasḳhīr-e-fitrat
abhī rāz-hā-e-nihāñ aur bhī haiñ
zarā ḳhatm ho kar tauq-o-salāsil
zabāñ par liye dāstāñ aur bhī haiñ
miTā do mirā naqsh-e-hastī nahīñ ġham
mirī zindagī ke nishāñ aur bhī haiñ
sameT apnā dāman na āġhosh-e-manzil
ki rahrav pas-e-kārvāñ aur bhī haiñ
nahīñ sirf zāhid hī jalvoñ kā mahram
tire husn ke rāzdāñ aur bhī haiñ
makin aur bhi hain makan aur bhi hain
yahi do-jahan kya jahan aur bhi hain
maqamat-e-dair-o-haram se guzar kar
teri azmaton ke nishan aur bhi hain
kiye jaiye sai-e-tasKHir-e-fitrat
abhi raaz-ha-e-nihan aur bhi hain
zara KHatm ho kar tauq-o-salasil
zaban par liye dastan aur bhi hain
miTa do mera naqsh-e-hasti nahin gham
meri zindagi ke nishan aur bhi hain
sameT apna daman na aaghosh-e-manzil
ki rahraw pas-e-karwan aur bhi hain
nahin sirf zahid hi jalwon ka mahram
tere husn ke raazdan aur bhi hain
Source:
Zakhma (Pg. 122)
- Author: Raza Jaunpuri
-
- Edition: 1978
- Publisher: Uttar Pradesh Urdu Academy, Lucknow
- Year of Publication: 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
