Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

malal-e-ghuncha-e-tar jaega kabhi na kabhi

Syed Amin Ashraf

malal-e-ghuncha-e-tar jaega kabhi na kabhi

Syed Amin Ashraf

MORE BYSyed Amin Ashraf

    malāl-e-ġhuncha-e-tar jā.egā kabhī na kabhī

    vo ḳhaak uḌā ke guzar jā.egā kabhī na kabhī

    maiñ lāla-e-sar-e-sahrā makāñ nahīñ rakhtā

    ki dasht hai mire ghar jā.egā kabhī na kabhī

    barahna shāḳh havā zard be-zamīn shajar

    parinda sū-e-safar jā.egā kabhī na kabhī

    kahīñ bhī tā.ir-e-āvāra ho magar tai hai

    jidhar kamāñ hai udhar jā.egā kabhī na kabhī

    kisī ke haath se TuuTe na shīsha-e-sad-rañg

    ye reza reza bikhar jā.egā kabhī na kabhī

    guzishtanī hai ye sab kuchh jo hone vaalā hai

    vo hādsa bhī guzar jā.egā kabhī na kabhī

    vo nau-bahār bhī aafat hai dasta-e-sumbul

    za-farq tā-ba-kamar jā.egā kabhī na kabhī

    ye ishq hai ki ḳhumār-e-talab hai kyā ma.alūm

    ḳhumār hai to utar jā.egā kabhī na kabhī

    malal-e-ghuncha-e-tar jaega kabhi na kabhi

    wo KHak uDa ke guzar jaega kabhi na kabhi

    main lala-e-sar-e-sahra makan nahin rakhta

    ki dasht hai mere ghar jaega kabhi na kabhi

    barahna shaKH hawa zard be-zamin shajar

    parinda su-e-safar jaega kabhi na kabhi

    kahin bhi tair-e-awara ho magar tai hai

    jidhar kaman hai udhar jaega kabhi na kabhi

    kisi ke hath se TuTe na shisha-e-sad-rang

    ye reza reza bikhar jaega kabhi na kabhi

    guzishtani hai ye sab kuchh jo hone wala hai

    wo hadsa bhi guzar jaega kabhi na kabhi

    wo nau-bahaar bhi aafat hai dasta-e-sumbul

    za-farq ta-ba-kamar jaega kabhi na kabhi

    ye ishq hai ki KHumar-e-talab hai kya malum

    KHumar hai to utar jaega kabhi na kabhi

    RECITATIONS

    Nomaan Shauque

    Nomaan Shauque,

    Nomaan Shauque

    malal-e-ghuncha-e-tar jaega kabhi na kabhi Nomaan Shauque

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now