manzar ki diwar ke pichhe ek manzar
manzar kī dīvār ke pīchhe ik manzar
kaalī chādar se muñh Dhāñpe ik manzar
maiñ jaise hī ik manzar taḳhlīq karūñ
aa kar fauran us ko kaaTe ik manzar
chehra paḌhnā chāhūñ to ojhal ho jaa.e
duur khaḌā phir haath hilā.e ik manzar
ik manzar chāqū se guude jism mirā
phir aa kar zaḳhmoñ ko chāTe ik manzar
ik manzar meñ saañp gale se aa lipTe
phir rag rag meñ zahr utāre ik manzar
biich bhañvar surāḳhoñ vaalī ik kashtī
mujhe mirī pahchān karā.e ik manzar
kab tak āñkheñ nīchī kar ke guzroge
aate jaate raah meñ Toke ik manzar
dhartī aur ākāsh pareshāñ donoñ haiñ
ek sā aalam uupar nīche ik manzar
ho saktā hai ik manzar kā ho jā.ūñ
aa kar āñkhoñ meñ chubh jaa.e ik manzar
manzar ki diwar ke pichhe ek manzar
kali chadar se munh Dhanpe ek manzar
main jaise hi ek manzar taKHliq karun
aa kar fauran us ko kaTe ek manzar
chehra paDhna chahun to ojhal ho jae
dur khaDa phir hath hilae ek manzar
ek manzar chaqu se gude jism mera
phir aa kar zaKHmon ko chaTe ek manzar
ek manzar mein sanp gale se aa lipTe
phir rag rag mein zahr utare ek manzar
bich bhanwar suraKHon wali ek kashti
mujhe meri pahchan karae ek manzar
kab tak aankhen nichi kar ke guzroge
aate jate rah mein Toke ek manzar
dharti aur aakash pareshan donon hain
ek sa aalam upar niche ek manzar
ho sakta hai ek manzar ka ho jaun
aa kar aankhon mein chubh jae ek manzar
Source:
Jahaan Gard (Pg. 34)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
