manzar manzar qarya qarya the tum bhi

manzar manzar qarya qarya the tum bhī

ḳhāk-nazhādo phuul sitāra the tum bhī

ab shahr-e-sad-jabr meñ sākit ham Thahre

ahd-e-tahayyur meñ nā-rafta the tum bhī

maiñ sadiyoñ kī ārā.ish karne vaalā

mere masā.ī ke parvarda the tum bhī

jitne mausam biit ga.e sab mujh se the

har mausam kā vasf shagufta the tum bhī

yuuñ bhī merī chāhat ko kab raah milī

zarf-e-tamannā se hī ziyāda the tum bhī

maiñ bhī apnī zaat meñ thā āfāq-asar

apne aap meñ be-andāza the tum bhī

ham donoñ mil kar hī ek ikaa.ī the

shahr-e-anā thā maiñ darvāza the tum bhī

manzar manzar qarya qarya the tum bhi

KHak-nazhado phul sitara the tum bhi

ab shahr-e-sad-jabr mein sakit hum Thahre

ahd-e-tahayyur mein na-rafta the tum bhi

main sadiyon ki aaraish karne wala

mere masai ke parwarda the tum bhi

jitne mausam bit gae sab mujh se the

har mausam ka wasf shagufta the tum bhi

yun bhi meri chahat ko kab rah mili

zarf-e-tamanna se hi ziyaada the tum bhi

main bhi apni zat mein tha aafaq-asar

apne aap mein be-andaza the tum bhi

hum donon mil kar hi ek ikai the

shahr-e-ana tha main darwaza the tum bhi