manzar mein agar kuchh bhi dikhai nahin dega
manzar meñ agar kuchh bhī dikhā.ī nahīñ degā
koī bhī tire haq meñ safā.ī nahīñ degā
vo chāñd jo utrā hai kisī aur ke ghar meñ
mujh ko to añdheroñ se rihā.ī nahīñ degā
ḳhud apnī zabānoñ se lahū chāTne vaalo
zālim tū sitam kar ke duhā.ī nahīñ degā
sahmī hai samā.at ki koī lafz hī gūñje
ik shor ki phir kuchh bhī sunā.ī nahīñ degā
dahlīz ke us paar bhī pahuñchegā bil-āḳhir
kab tak ye lahū us ko dikhā.ī nahīñ degā
jo shaḳhs kamā.egā vahī khā.egā 'nāsir'
auroñ ko koī apnī kamā.ī nahīñ degā
manzar mein agar kuchh bhi dikhai nahin dega
koi bhi tere haq mein safai nahin dega
wo chand jo utra hai kisi aur ke ghar mein
mujh ko to andheron se rihai nahin dega
KHud apni zabanon se lahu chaTne walo
zalim tu sitam kar ke duhai nahin dega
sahmi hai samaat ki koi lafz hi gunje
ek shor ki phir kuchh bhi sunai nahin dega
dahliz ke us par bhi pahunchega bil-aKHir
kab tak ye lahu us ko dikhai nahin dega
jo shaKHs kamaega wahi khaega 'nasir'
auron ko koi apni kamai nahin dega
Source:
Pakistani Adab (Pg. 431)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
